بناءا على رغبه الملايين اقصد الاعضاء (احمد ونور)

بسم الله الرحمن الرحيم

هنفتكر مع بعض وصلنا لحد فين
اممممممممم انا مش فاكره
اه اه افتكرت :
بعد مااحمد ووالده اتفقه على انهم يبلغوا الوالده عن نور
وعن انها ستكون زوجه لاحمد
فى الصباح
احمد:صباح الخير يااحلى واغلى واجمل حجه فى الدنيا كلها
والده احمد:ياسلام لو كان كل دا لوجه الله قول قول عايز ايه من غير مقدمات
احمد:(انتى هتسدى نفسى من اولها)
الحجه: عتقول ايه؟
احمد:ها مافيش بقول انك منوره . كنت بقول يااحجه ان الواحد لازم يهتم بالاسره
وتكوين الاسره وكدا يعنى فاهمانى ولا انا بكلم روحى
الحجه:عايز تتجوز يااحمد والله وكبرت طيب عارف عندى ليك عروسه عجب
البت خضره بت عم متولى البت حلوة واصل وفصل ومال وجمال
احمد:خضره .خضره ايه يااحجه يجعل سنتك انتى اللى خضره انتى فهمتنى نص كلامى
ايوا انا عايز اتجوز
الحجه:طيب ياولدى وانا مش ممانعه
احمد:ياامه انا عايز اتجوز نور اللى كانت حدانا هنا فهمتينى
الحجه:(وشها راح لون وجه لون) ياولدى بس دى مش مننا ولا تعرف عاداتنا ولا تقليدنا
وانت عارف اننا لينا عادات وتقاليد بنمشى عليها
احمد:ياامه انا انا انا ماتفهمى يااحجه
الحجه:ايوا ايوا فهمت ريدها يعنى؟
احمد :ينور عليكى يااحجه ياافهمانى انتى
الحجه: طيب انا موافقه بس بشروط
احمد :خير (يارب ماتعقدهالى )؟
الحجه :اروح الاول واسال عنها وعن اصلها وعن اهلها قبل ماتمم اى حاجه رسمى
احمد :عقدتها
الحجه :بتبرطم عتقول ايه؟
احمد :ها بقول عين العقل ياامه والله
الحجه:خلاص يبقى على خير الله بكره باذن الله ندلوا كلنا لمصر عن شقتك ونشوف ايه الللى هيتم
احمد :حلو ياامه نقعد كام يوم الاول قبل مانخطبوها (حتى تكون لهجتك اتعدلت شويه ايه ندلوا دى)
الحجه: بقيت بتبرطم كتير يااواد انت
احمد:ههههههههههه ماتخديش فى بالك تخاريف واحد رايح يخطب جديد
ابو احمد:وااااااااااااااه كل دا رط وحديت
احمد: (ياغلبى ياانا اخلص من ادلوا يقول حديت ورط)
ابو احمد:وصلتوا لايه بعد الرط دا كله داانتوا لو بتحلوا قضيه فلسطين كانت انحلت ههههههههههه
احمد:انحلت"
الحجه:خلاص يااحج انا موافقه بس نسالوا عليها فى الاول
الحج:يبقى على بركه الله
احمد:(عارف انكم هتتعبونى بس امرى لله هاسمع كلامكم لحد الاخر)
وجرى احمد على التليفون عشان يكلم نور
احمد:الو الو نور معايا؟
نور:ايوا يااحمد
احمد :قوليلى انتوا كان فى عيلتكم حد مجنون ولا مسجون ولا مهبول ولا بت وحشه لا سمح الله
نور :ايه انت بتقول ايه؟
احمد:ههههههههههههه لالا ماتخديش فى بالك انا راجع مصر بكره (هدلى انا والعيله)
نور:تيجوا بالف سلامه بس هما جيين معاك ليه يحرسوك هههههههههههههههه
احمد:هتخربى على روحك من اولها يابت الناس ليه
نور:ايه يعنى ايه هخرب على روحى
احمد :لا بقلك ايه مش كل كلمه اقولها الاقى راديو بعدها خلى كلامك قليل وبالذات الفتره اللى جايه
نور:انا مش فاهمه حاجه خالص
احمد :مش مهم بكره تفهمى يلا ياقمر اقول سلام عشان الحق احضر شنطتى للسفر
نور:طيب خلى بالك من نفسك
احمد ههههه طيب وانتى كمان
نور :لااله الا الله مع السلامه
احمد:محمد رسول الله سلام

ولنا عوده مع احداث هتفطس من الضحك فى بيت نور
وماتزعلوش منى لانى اتاخرت ربنا اللى يعلم اتاخرت ليه
وان شاء الله يكون تاليفى يعجبكم يارب

:pirat: جااااااااااااااااااااااااااااااااااااااااااااااااااامد جدا يا بنوته ويارب تكتبى بقيه القصه بسرعه
ويارب يكون المانع كان خير والف حمد على سلمتك يا قمر
متتاخريش فى بقيه القصه

ان شاء الله يااحبيبت قلبى

قريب اكتبلكم النهايه بس على كام حلقه كدا للتشويق

» تعالى اتفرج تعارف من على الشات ثم زواج ثم (الدليت) اقصد الطل
» صور حفله حبيب الملايين فى عيد الحب (تامر حسنى )
» شعر فى الريس حبيب الكل حبيب الملايين بس مسخره
» تلبيه طلب الاعضاء
» اجمل تهنئة لكل الاعضاء