بنت فى العشرين عضو مميز
الجنس :
عدد الرسائل : 640 العمر : 38 مزاجى : نقاط : 6043 تاريخ التسجيل : 29/10/2007
| موضوع: شعر فى الريس حبيب الكل حبيب الملايين بس مسخره نوفمبر 3rd 2007, 7:59 pm | |
| []ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عدابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حالبك حتطلع حتنزل حجيبلك جمااااال
| |
|
ميدو_2010 المشرف العام
الجنس :
عدد الرسائل : 1910 العمر : 35 الاقامة : بورسعيد احلى بلد المهنة : : طالب تربيه رياضيه ببورسعيد نقاط : 6108 تاريخ التسجيل : 25/08/2007
| موضوع: رد: شعر فى الريس حبيب الكل حبيب الملايين بس مسخره نوفمبر 4th 2007, 3:25 pm | |
| تسلم ايديك خافى على نفسيك بقى بعد الشعر ده | |
|
ملك الحب عضو مميز
الجنس :
عدد الرسائل : 1235 العمر : 31 الاقامة : سيدى بشر الأسكندرية المهنة : : طالب فى 3 ثانوى يعنى لسة صغير العمل : : عضو مزاجى : نقاط : 6084 تاريخ التسجيل : 14/09/2007
| موضوع: رد: شعر فى الريس حبيب الكل حبيب الملايين بس مسخره نوفمبر 5th 2007, 10:27 am | |
| بصراحة شعر جاااااااااااااااااااااااااااااامد وانا مكنتش عايز ارد عشان متمسكش معاكى بس اهو" قل لن يصيبنا الا ما كتب الله لنا" | |
|