الاول السلام عليكم ورحمه الله وبركاته
اخباركم ايه يا شباب
انا قولت افتح اول موضوع للمهتمين بس بالزمالك واكيد عاوزه منك رد على الموضوع
عشان اكمل فيه
انا هستعرض معاكم صفقات الزمالك من سنه 2006 الى سنه 2007 وعاملو ايه للزمالك
طبعا احنا الزمالكويه اكيد مش عجبنا الحال الى وصل عليه الفرقه ولا النتائج المزبزبه
طبعا وكلنا بنسال امتى الزمالك هيرجع تانى للعصر الزهبى الى كان عليه ايام ما كان فى لاعيبه رجاله
انا حاسه ان المقدمه طويله بس بصراحه من زعلى على حال الفرقه
اول صفقه واعزرونى مش هقولهم بالترتيب
كانت صفقه عمرو زكى
ودى بقى ليه وقفه جامده اوى لان الصفقه دى اول ما جات كل الزمالكاويه حطوا امل عليها
ولاكن
من اول ما نزل الدورى واحنا قولنا الزمالك هيبقى اقوى هجوم مع البلدوزر
بس اظاهر ان الموضوع ده كان لفتره وعدت
لان عمرو ابتدى يختلق مشاكل ويظهر فى الاعلام واظاهر انه معجب بكده لا وكمان يقول انه بيحب الزمالك
بزمتكم ده بيحب الزمالك ده الى يحب نادى يقول انه هيعتزل كوره والمفروض ان احنا نصدق انه محب للنادى
وانه بيعمل كده عشان زعلان والحقيقه بقى انه اتلعب فى دماغه انه يروح الاهلى
وان دى كانت تمثليه سخيفه جدا عاوز يضحك بيها على الجمهور ويضيع بيها الملايين الى اتدفعت فيها وهو معملش بيها حاجه لا جاب بطوله ولاحتى ساهم فى شى يسعد الجمهور
اما الصفقه التانيه فهى ابراهيم سعيد
انا مش فاكره بالظبط جه للنادى امتى بس من ساعه ما جه النادى وهو معه مشاكل
منقدرش ننكر انه لاعب مميز ومهارى بدرجه عاليه لاكن بتاع مشاكل ومش بيحب الزمالك
هو واخد الزمالك كمحطه فى حياته لحد ما يثبت كفائته للاهلى فيرجعوا تانى وده فعلا الى حصل
انه دخل عندنا وهو مطرود من الاهلى ومعاقب من الاتحاد الزمالك وقف جنبه دفعله فلوس العقوبه
واعده تانى انه يقف على رجله لحد ما رجع ابراهيم سعيد وفى الاخر ساب النادى مع اول عقد احتراف وده ليه
عشان يقدر يرجع الاهلى تانى
طيب قولولى انتوا دول لاعيبه نزعل وندور عليها ولا نقولها بالسلامه والى مش عاوزينا فى ستين سلامه
لان الزمالك هيفضل زمالك بيهم من غيرهم هما الى هيخسروا وكتيراوى كمان
اكمل معاكم المره الجايه اذا عجبكم الموضوع
موضوع: صفقات الزمالك خلال عامى 2006/2007 
يناير 13th 2008, 12:08 pm
