انا والبطيخ و هواك

انا و البطيخ وهوااك .. برنامج .. للحب.. و عن الحب

مع جوليا
الحب

ذلك الشعور السهلبيسي الذي يزعزغ عقول البشر

و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم جوليا علي نجوم fm مزيكا علي كيف كيفك

في.. انا و البطيخ وهوااك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هوااك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متوالد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبيلات و انتوا عارفين ان انا عندي 13 سنة فحسة بيكم و حاسة بمشاكل الجيل كلها بالنسبة للشباب.....



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك بحب.......ك
تقولك انت بتستهبل يا حبيبي اتلم لساورس يشوفنا



او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك



و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع



مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستنية تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو

واضح ان الخط قطع

- الوو ايوا يا جوليا
اهلا نتعرف بيكي ..

- بسمة من بنــــــــــــــــها

اهلا بيكي يا بسمه ياريت تعلي صوتك شويه

- معلش يا جوليا اصل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بسمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بصي يا جوليا اولا انا بمو ت موت موت جدا طحن في البرنامج بتاعك و والله مش بفوت ولا حلقة منه ابدا خالص
و سلميلي علي الشقي الحكروت موت موت حتومه و قوليله انه لذيذ اووووي و بنحبه مووت موووت ..


هو بيضحك وفاتح بقه زي الاستففر الله اهوه و بيقولك
مرسي ليكي يا بسمه


- يا جوليا انا بكلمك عشان الحلقة بتاعتك النهارده مخصوص عشاني
انا كنت بحب واحد و انا في 2 ابتدائي و فضلنا نحب بعض للجامعة


جميل


- اهـء اهـء اهـء


لا اهدي يا بسمه و قوليلي ايه اللي حصل

- يا جوليا اخد كل حاجة كل حاجة

اححمم
حتى الموبايل


- يا جوليا بقولك كل حاجة
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار عمرو دياب ....


يا قاعدة علي الترعه و بتغسلي المواعين
جاتك ستين وكسه دا شرفك بقا في الطين




نص ساعة اعلانات ..




انا و البطيخ و هواك برنامج للحب و عن الحب
مع جوليا
الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..

مستمعينا لسه بتكلم عن الحب و لسه بنسأل عن الاستهبال في الحب
مستنية تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



الوقت بيمر معاكم بسرعة و حاتم بيضحك مش عارفة علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

هاه ؟؟ عشره رصيد

طيب اشطه يا حتوم .. اختك بقا هاه


نستقبل اتصال تليفوني و نقول الووو

الووو

الووو


الوووووو

الظاهر الخط قطع

الوو ايوا يا جوليا
اهلا نتعرف بيكي
ياريت تعلي صوتك لان الصوت بعيد اوي

_معلش اصل انا بكلمك في الحمام

انا سماح من المنصورة

اهلا بيكي يا سماح


سماح بنتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب

_جولياانا عاوزه اقولك في الاول انتي انتي احلى و اجمل اعلامية و صوت شفته في حياتي و انا بسجل كل الحلقات بتاعتك و بحبك اوووي يا جوليا
ربنا يخليكي يا سماح ..

انا كنت بحب واحد نجار مسلح و بعدين كنت في يوم ماشية في الشارع لابسه بضي جميل و ديق موووت و بعدين واحد عاكسني فحبيبي شلحف

مين يا سماح ؟؟

_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا جوليا و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
جوليا انا مش عارفه اعمل ايه

بصي يا ست

_سماح

اه سوري

بصي يا سماح

بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هولو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا سماح على اتصالك و بهديلك اغنية السوبر ستار محمد فؤاد


يا مسجون في لومان طره
نفسي اكل معاك كوز دره




مستمعينا كنا بنتكلم عن الحب و بنسأل عن الاستهبال في الحب
وانا في انظار الحلقة القادمة ان شاء الله لمناقشة موضوع جديد
باي

اهلا بيكم في يوم جديد مليان بالحب.وحلقتنا النهارده بتتكلم عن التجارب

العاطفيه.وناخد اول اتصال ونقول الو

الو...الووو(اسامه من جواه:رد اشوف فيك 6 شهور)

اها يظهر الخط قطع.

المتصل:انت مين ياض.

اسامه:حضرتك برنامج نجوم اف ام.

اللمبي:ايه ده كل ده اسم.مش عارفاك ياض.

اسامه:انت عالهوا.

اللمبي:لا اللمبي.

اسامه:ايوه بس انت عالهوا دلوقتي.

اللمبي:ياعم انا اللمبي من زمان ودلوقتي وكل وقت.انا اللمبي.يعني اغني اغنياء المنتدي قصدي المنطقه.يعني 7 فدادين اجرام.


اسامه:هو حضرتك بتشتغل ايه؟

اللمبي:مش فاضي بس طلعت عربيه كبده ابوه وطازه ولسه طالعه من بطن الحيوان سعادتك.

اسامه كنا بنتكلم عن التجارب العاطفيه.

اللمبي:يلا مش مهم.

اسامه:لا بسال حضرتك ليك تجارب عاطفيه.

اللمبي:نوسه.ربنا يمسيها بالخير.

اسامه:ونوسه دي بنت حضرتك.

اللمبي:لا دي الموزه بتاعتي.بس مشيت مع واد من شباب اليومين دول.اللي بيشيلو الموبايل.مسيري اجيب خط واجيلك يا نوسه.دانا عملتلها قصيده جامده .

اسامه:نسمع حاجه منها.

اللمبي:انتي يا بت.الحب الحب.الشوق الشوق.بلوبيف بلوبيف.تكييف تكييف.ول ياول.وز يا وز.حلو يا حلو.من طرق اخوكي اللمبي.

اسامه:يظهر الخط قطع او( اسامه جاله شلل نصفي او كلي).

ناخد اتصال تاني.الو

المتصل:الو مساء الخير.

اسامه:مساء النور.

علاء:ممكن اكلم حاج علي.

اسامه:لا النمره غلط.

المتصل:طب شكرا اوي.

وناخد اتصال اخير ونجول الوو.الووو

المتصل:علو.

اسامه:نتعرف بيكي. المتصل:مين معاي.

اسامه:حضرتك برنامج زفت نجوم زفت.نتعرف بيكي.

قتكات:انا بسمعك في الراديو .انا فتكات من كفر قلمه في طوخ مركز ولاد ابو وائل.

اسامه:حضرتك متجوزه. فتكات:انا جوزي هريدي من اعيان البلد عنده 70 فدان و6 ابراج.

اسامه:ابراج ايه حضرتك.

فتكات:ابراج حمام.

اسامه:اه الخط يظهر قطع ومش هشتغل الشغلانه دي تاني حررررررررام الرحمه حلوه.

كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

برعاية



ان تاتش
و ماكدونالدز
و مؤمن
و اريال و تايد
خديجه جمال مبارك
سوزان
و كنتاكي
و مصنع كوب/*/*/*ت ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ابو احمد لتسمين العجول
النادي الاهلي و الزمالك
اديداس و بوما و نيكي و لوتو و امبروو
اميجو كوتشي بينور
امريكانا الجودة
لانشون حلواني الإخوان
مجلس الشعب
سمنة الهانم
حديد عز
ههههههههههههههههه

نترككم مع برنامج "أنا والبطيخ وهواااك " مع أسامة
منير

مستمعينا لسه بنتكلم عن الحب وحلقتنا النهارده عن


"" الحياء في الحب""
معاكم اسامه منير علي نجوم fm مزيكا علي كيف كيفك


في.. انا و البطيخ و هواك


من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية زعبله كومباني و ان تاتش و كريمات زحلقها
وده موضوع يؤرق كل شبابنا الحَبيّب و نحب ننبه على




كل اللى
هيتصلوا بينا البنين منهم والبنات(
أقل من 18 سنة) على انهم يخلوا التليفون جمبهم تحت البطانية
ويتأكدوا إن كل اللى فى البيت ناموا ( عشان ياخدوا راحتهم فى
الفضفضة



واعرف اعملهم انلايزيشن كويس يرضيهم ويبسطهم ) .....ونستقبل
أول إتصال
حريمى



المذيع :
الووووووووو


الحبيبة : ألو إزيك يا أثامة أنا بحبك أوي اوي بجد بحبك
موووووت وكان
نفسى أكلمك من زمان


المذيع : فعلا .. فعلا ..أنا اتحب حقيقي
بس إحنا موضعنا إنهاردة عن الحياء في الحب إنت
متجوزة
؟


الحبييبة : لأ


المذيع : مخطوبة ؟


الحبييبة : توء


المذيع مرتبطة عاطفيا ؟


الحبيبة : أه


المذيع : طب يا ترى قلتيلوا بحبك؟


الحبييبة في إندهاش و إندفاع شديد : طبعا كتير بس هو مأليش
خالص...


المذيع : أه ممكن يكون هو بيكسف أو في أنواع من الشباب ما
بيصرحش
بحبه لأنه أكيد بيكون بيلعب
بعواطف البنت بس أنا بشجعك علي الإستمرار في
العلاقة


الحبيبة : اثامة بث حاثة إني بحب واحد تاني بث الأولاني مالي
علية
حياتي


المذيع : أنا رأي إنك تسيبي الأول و التاني و تحبي من أول و
جديد



و دلوقتي نسمع أغنية "الإختاشوا ماتوا"


نص ساعة اعلانات ..


الحب هو الاحساس الملهف المتلهف بين اى طرفين مثل الانسان والحيوان
فالحياة بدون خيانه زى البنت من غير لبانه
مستمعينا الاعزاء من تانى رجعنالكم وازاعتكم الجميله نجوم اف ... تف بعيد والنهارده بنتكلم عن موضوع مهم جدا وهو الحياء فى الحب الموضوع انا بعتبره حيوى ولازم اناقشه بجديه ومش هاروح غير وانا مخلصو من الاخر معانا تليفون و نقول الوووووووو ( كالعاده بمياصه)
المتصل: اثيك يا اثامه اخبالك ايه
اسامه: انا تمام ... مين مع/*/*/*
المتصل: انا ثوثن يا اثامه و بحبك جدا جدا انا عندى عشر سنين وبحب احمد جدا جدا
اسامه : مين احمد يا سوسن زميلك فى الحضانه؟
المتصل: اها هو كده فعلا وبنحب بعض بقالنا خمث ثنين
اسامه: بسم الله ما شاء الله احساس جميل اننا نحب وكمان الحاجه لما تبقى بدرى بتكبر مع ال/*/*/*م وانا شايف انكو كده ممكن تتجوزو كمان سنتين والا حاجه و نعمل فرحكو بقى فى اقرب مدرسه اعداديه ونفرح بيكو

المتصل: بس يا اسامه انا زعلانه من احمد عشان هو شويه انانى كتير بيجيب انفسه شيبسى بالكباب ومش بيرضى يجيبلى معاه و خايفه لما نتجوز يفضل كده و الموضوع يكبر وانت عارف الجواز مسئوليه

اسامه : لا لا يا احمد كده عيب وانا بوجهلك رساله و بقولك وحيات مامتك ابقى اكل سوسن معاك لما تجيب شيبسى يا احمد ربنا يوفقكو يارب وباهديلك اغنيه
( ماما زمانها جاااااااااايه )

و زى ماسمعنا من شويه ان ثوثن رغم انها لسه بترضع الا انها تمسكت بحبها رغم ما واجهته من صعوبات فى التكيف مع انانيه احمد تجاه الشيبسى بس برضو على رائى المثل ماحدش بياكلها بالساهل

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية زعبله كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

عندنا اس ام اس كتيرررر جدا النهاردة




هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
____________ ______

هاى يااسامة ازيك يا جميل
البرنامج جميل جدا وانتة كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
اصل انا منحرفه و بحب الانحراف ..
بحبك يا تامر
قصدي يا جابر
حبيبتك شاهيناز

____________ ______



____________ ______


هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله عشان يشمها ..

____________ ______


هاااي يا اسامه ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
____________ ______

هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره ومبقاش شعرو ابيض
اسامه انا مش عارفه اعمل ايه انت املي الوحيد
____________ ______




الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

برعاية



ان تاتش
و ماكدونالدز
و مؤمن
و اريال و تايد
خديجه جمال مبارك
سوزان
و كنتاكي
و مصنع كوب/*/*/*ت ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ابو احمد لتسمين العجول
النادي الاهلي و الزمالك
اديداس و بوما و نيكي و لوتو و امبروو
اميجو كوتشي بينور
امريكانا الجودة
لانشون حلواني الإخوان
مجلس الشعب
سمنة الهانم