ما فيش حاجه

مافيش حاجة..
ما هوش قلبي اللي كان دايب
ولا فْ يوم دق..
ولكن كنتِ محتاجة..
ماقلتش لأ..
مافيش حاجة
ومش عاوز كلام في الحب
ولا محتاج لكام كلمة ولا نظرة ولا همسة
عشان خاطري كده كفاية
وجعتِ القلب مانيش كداب..
أنا دقيت
وإنتِ اللي فتحتِ الباب ..
وكان نفسي أعيش فعلا مع عيونك
لكن -الله- ما قدرتش
وإيه يعني نكون أصحاب؟! وإيه يعني
إذا شفتك ماحبتكيش؟!
ما هو إنتِ المشكلة فيكِ
وكل أما ألمسك حتى
تقولي لي: أنا آسفة ماتلمسنيش..
خلاص آسف..
ماحبتكيش.. مافيش حاجة..
مافيش عاشق ولا معشوق..
ماهيش ناقصة..
كلام فاض ..
مالوش آخر..
بلاه الشوق..
بلاه الحلم متعلق كده قصادي..
وإذا مش راضية أنا راضي.. وإذا حبيت؟؟
هتبقى رموشك الضلة على عيوني
ونرسم سهم في القلبين على النخلة
وحاجات ياما..
ولكن برضه انا خايف..
تقولي كلم الماما..
يروح قلبي أنا واقف.. عشان لسّه مانيش قادر أدق الباب..
فخلينا عشان خاطري
نكون