بسم الله الرحمن الرحيم
السلام عليكم ورحمة الله وبركاته
اضحك من قلبك
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."
واحد صعيدى وواحد يابانى وواحد امريكى تاهوا فى الصحرا ودخلوا كهف لقوا خاتم سليمان العفريت قالهم هحقق لكل واحد فيكوا رغبه اليابانى قاله عايز اروح بلدى روحه والامريكى قاله عايز اروح بلدى روحه الصعيدى قاله واه وانا هفضل قاعد لوحدى هنا هاتهم لى تانى
مره واحد اسكندرانى لقى واحد بنته راجعه الساعه 3 بالليل فقالها كنتى فين يا بت قالتلو كنا بنتمشى مع واحد صحبى يابا قالهم خشى نامى احناناس نحبو الصراحه
مرة واحد رخم راح السيما لقاها فاضياااااااه مافيهاش غير واحد راح قعد وراة وقالو راسك كدا شوية
مرة 2 مساطيل شافو عمارة راحو قايلين يلا نسرقها فواحد منهم قال متيجى نزقها قاله التانى يلا قلعو هدومهم وحطوها على حديده جنبهم وقعدوا يزقوا راح جاى واحد مسطول سرق لبسهم فلما جم يبصو وراهم مش لقوا الهدوم راحو قايلين ياه هو أحنا زقينا العمارة المسافة دى كلها
س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع
واحد رخم عرف ان الاموات بتحس وتسمع باللى بيحصل حواليها راح الترب و شغل الكاسيت على العالى
باغنية الحياه حلوه
مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم
ابوالعربى قاعد فى اليابان شاف اليابانى بيتصل من ايدة قلة ازاى قالى احنا عندنا مولدين بمحمول قعد ابو العربى يكتب على ايدة قالى بتعمل اية قالة ببعت فاكس
ابو العربى قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح يابو العربى انا قابلت نفس الاسد ضربته بالقلم ايدى اتبلت.
ابو العربى مره ابو العربى دخل القسم فالظابط بيحقق معاه قال له ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مش فيها فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه !!
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
واحد اتحشر في زحمة المرور فلقى واحد بيخبطله على شباك السيارة فتح الشباك قاله :- عايز ايه ؟ قاله : الريس خطفوه و الفدية 5$ مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: و في المتوسط الناس بتتبرع بكام ؟ الرجل الثاني : من 5 الى 10 لتر بنزين .
مره واحد بخيل قوى خبط فى حيطه اتعور جامد اوى وقعد ينزف شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا
رئيس دوله صغيره راح زياره للصين رئيس الصين بيقله احنا عددنا 900 مليون نسمه انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم لا اردم ياعم الحج
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك اتغير قوى يا محمد رد عليه وقاله انا مش محمد قاله ياه وكمان غيرت اسمك
مرة صعيدى راح يكشف على ابنة الدكتور غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا ممتش قال له اتنيل على عينك هتفهم احسن من الدكتور
جماعة صعايدة بيلعبوا كهرباء على الطريق السريع اللى تخبطه عربية يطلع برة
مرة تلاتة صعايده راحوا محطه القطار لقوا القطر ماشى اتنين منهم طلعوا يجروا ورا القطر و التالت واقف يضحك عليهم . الناس ساءلوه بتضحك ليه قالهم اصل انا اللى مسافر والاتنين التانين جايين يودعونى
واحد مسطول رجع البيت متاخر خبط اخته فتحتله راح جاى رازعها قلم طاخ كنتى فين لحد دلوقتى
اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين. لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب الست قالت عشرين سنه جواز ومرتين بس مش مهم وسالته طب والعشرين الف جنيه قالها كنت كل ماجمع كرتونه ابيعها
بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان؟؟؟
مواطن ماشى فى الشارع لقى قرد ..قابل عسكرى مرور ..سأله اودى القرد ده فين العسكرى قال له : وديه جنينة الحيوان تانى يوم الراجل معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك
حانوتى فتح محل فكهانى كتب على المحل الموووووووووووووز علينا حق
----------------------------------------------------------------
شيطان ندل عزم الشياطين على العشاء قفل عليهم الباب وشغل عليهم شريط قران
---------------------------------------------------
هندى يسئل مصرى ليه مش احرق جثة قبل ما ادفن ؟ رد المصرى احنا ادفن وبعدين ربنا احرق
----------------------------------------------------------------
تؤام شاف اخوه قال له كنت فين من الصبح يا حيوان امك حمتنى مرتيين
موضوع: احلى نكت 
أغسطس 30th 2007, 10:51 am
