عملت ايه ف يومك النهاردة؟

عملت ايه فى يومك النهارده؟؟؟؟؟

الموضوع ده انا واخده فكرته من احد المنتديات...وهو عباره عن ان كل واحد من الاعضاء يدخل ويحكي قضي يومه ازاى

يعني ممكن نعتبره الكافيه بتاع المنتدى.

احيانا بتيجي علينا ايام بنتعرض فيها لمواقف مختلفه بنبقي حاسين وقتها اننا عاوزين نتكلم ونفضفض مع حد واحيانا فى مننا اللى بيكتب مزكراته

يعني ممكن برضه نعتبر الموضوع ده حاجه كده شبه كتابه المذكرات بس الفرق بقي انك هتشرك الاخرين معاك وتاخد رأيهم فى تصرفاتك وتسمع تأيدهم ليك او نقدهم وطبعا الكل هيستفيد لاننا كلنا بنتعلم من اخطاء بعض

ممكن طبعا تكون اتعرضت لموقف ظريف ضحكت عليه كتير ابقي ادخل واحكي عنه وضحكنا معاك

زعلت حد عزيز عليك وعاوز تصالحه ومش عارف تعمل ايه...ممكن تستشير اخواتك هنا فى المنتدي

عاوز تنقد المجتمع اللى حواليك.....وهكذا

طبعا انا مش غرضى من الموضوع ان كل واحد يعرف تفاصيل يوم التاني ...انا غرضي اننا نتعلم من اخطاء بعض...نضحك مع بعض ...نحاول نغير حاجه مضايقانا فى مجتمعنا....نتعلم ازاى نتصرف بحكمه ومنتسرعش

الموضوع ده كان اصله ان كل واحد يدخل ويقول عمل ايه فى يومه ويخرج ....من غير ما يقرأ يوميات العضو اللى قبليه

بس احنا هنا عاوزين يبقي فى مشاركه عشان يبقي الموضوع مسلي ومفيد فى نفس الوقت.

انا حاولت اوضح الفكره على قد مقدر ولو فى حد عنده استفسار او اقتراح ياريت يقوله

اتمني ان الموضوع يعجبكم

انا هبدأ النهاردة انا عملت حاجة حلوة اوي انا مبسوطة منها وخليت حد تاني معايا عملنها سوا بس مبسوطة جدا لاننا دخلنا الفرح ع قلوب اقرب الناس لينا يارب يكون هما كمان انبسطوا زي النهاردة وبقولهم اني بحبهم اوي ع الرغم اننا ودعنا شخص عزيز علينا هيغيب عننا فترة بس كل الاحوال كنا جنبه وان شاء الله يكون مبسوط جميل اوي انك تعمل حاجة وتحس بعدها انك راضي ع نفسك ولا انتوا ايه رأيكم؟

» جيبلكم النهاردة لعبة لذيذة للاطفال الصغيرين بس
» جيبلكم النهاردة لعبة لذيذة للاطفال الصغيرين بس