ღღღشباب رومانسىღღღ

مرحبا بيك عزيزى الزائر فى منتديات شباب رومانسى اذا كنت غير مشترك اضغط على تسجيل
ملحوظه بعد الاشترك
سوف تاتى ليك رساله على الميل لتاكيد الاشترك تدخل عليها عشان تقدر تخش المنتدى.

ღღღشباب رومانسىღღღ

ღ♥ღجيل جديد من الابداع ,افلام,اغانى,برامج,صور,كليبات,العاب,فوتوشوبღ♥ღ
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 انت لسة قاعد هام جدا ارجوا الردووووووووووووووووووووود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nayelko2000
عضو مميز
عضو مميز


الجنس : ذكر

عدد الرسائل : 360
العمر : 43
الاقامة : uae
المهنة : : architect
العمل : : project engineer
نقاط : 3398
تاريخ التسجيل : 19/08/2007

مُساهمةموضوع: انت لسة قاعد هام جدا ارجوا الردووووووووووووووووووووود   أكتوبر 30th 2007, 10:25 am




إعلان تليفزيوني

شاب يجلس على المقهى يلعب "طاولة" مع صديق له ويشربان الشاي على النوتة -مافيش نوتة موجودة في المشهد

بس إحنا هنستنتج ده!- فجأة يظهر صوت من اللامكان، ويدور الحديث التالي بين الصوت المجهول والشاب المسكين:

الصوت المجهول: إنت قاعد على القهوة بتعمل إيه؟

الشاب: مش لاقي شغل!

الصوت المجهول: مين قال كده؟ روح اشتغل زي فلان في مصنع النسيج، و...

الشاب: لا لا أصل إنت ماتعرفش أنا معايا شهادة عليا في...

الصوت المجهول: شهادة إيه؟ قوم واشتغل والحق القطر قبل ما يفوتك..

شوف فلان لحق القطر واشتغل ودلوقتي شوف بقى إيه؟

الفرصة قدامك يا تروح تلحق القطر زي ناس كتير ناجحين يا إلا القطر هيفوتك..

ينتهي الإعلان والشاب على وشك أن "يفز" من كرسيه،

وكأن "حنشا" -أي ثعبانا- قد قرصه في ركبته.. عشان يحصله في جٌمعته!




أكيد ولازم ولابد شفت الإعلان ده..

لأنه كان بيتذاع بكثافة شديدة على التليفزيون المصري طوال الفترة اللي فاتت..

والإعلان يؤكد حقيقة علمية -غير مؤكدة- وهي أن "مصر بتتحرك"..

وكمان بيشير إلى أن فيه قطر ماشي في السكة –توووووووووت توووووت-

وفيه ناس هتلحق القطر ده وربنا هيصلح حالها في حين إن فيه ناس تانيين هيفضلوا نايمين في الخط

والقطر هيعديهم ومش بعيد كمان يعدي عليهم!

وواضح جدا طبعا إن اللي عمل الإعلان هو الحكومة المصرية واللي شايفه

إنها من خلال الإعلانات دي هتحمس الشباب وهيشتغلوا في أي وظائف بغض النظر عن تناسبها مع مؤهلاتهم أو لا

وإن ده بكل تأكيد سيساعد على تقليل معدلات البطالة في البلاد..

هممممممم.. وجهة نظر..

بس دي وجهة نظرهم هم يعني..

إنت بقى وجهة نظرك إيه؟

هل صحيح فعلا لما شفت الإعلان ده قمت قافل الطاولة على صباع صاحبك وقمت رايح للمعلم "حسونة" صاحب القهوة

وحاسبته على كل المشاريب المتأخرة، وقلت له بصوت كله حماس:

"Good Luck يا معلم SEE you في ظروف تانية.. مصر بتتحرك وأنا رايح ألحقها قبل ما تسيبني وتمشي..

رايح أشتغل عامل في مصنع "سوسن" للتريكو..

وحطيت ديلك في سنانك وفلسعت على طول على "سوسن".. المصنع يعني!




ولاّ لما شفت الإعلان ده الضغط ارتفع عندك واتصلت بالإسعاف عشان يبعتوا لك جهاز تنفس صناعي

وقمت ضارب صاحبك اللي قاعد قدامك وبيلعب معاك طاولة بالقلم -عشان تفرغ الشحنة فيه..

أمال هتفرغها في مين يعني؟!-

وبعد أن تحكمت في أعصابك حتى لا تفلت منك كلمة كده ولا كده يعاقب عليها القانون

وتمسحها الرقابة قلت لصاحبك اللي لسه القلم معلم على وشه:

"هو إيه يا عم الناس دي فاكرانا إيه؟ بعنا مخنا لـ"سيد ويكا" بتاع المخ والكبدة؟

ولا بنأجره مفروش للعيال اللي داخلين امتحانات؟..

يعني أقعد كام سنة يطلع فيهم عيني وعين "ماي فازر" و"ماي مازر".. وآخد شهادة من الجامعة قد الدنيا

وأقعد لي كام سنة متلقح على القهوة وبعدين يقول لي اتحرك..

روح اشتغل في مصنع "سوسن" للتريكو ولاّ ميكانيكي ولاّ اجمع الزبالة من الشوارع.. نعم!"

م الآخر يعني الإعلان ده وباقي الإعلانات التانية اللي زيه..

بتغير من قناعاتك الشخصية وأفكارك؟ وممكن فعلا تدفعك دفعا إلى إنك تعمل حاجة ماكنتش بتعملها قبل كده

أو تعمل حاجة عمرك ما فكرت فيها من أصله؟




وسؤال كمان -جايز يكون بناتي شوية بس هو للجميع برضه-..

هل ممكن توافقين على الارتباط -الزواج يعني مش شات على الإنترنت-

بشاب خريج جامعة بس صدق الإعلان وبيشتغل في مهنة لا علاقة لها بشهادته الجامعية..

عامل في مصنع مثلا أو ميكانيكي أو بواب أو بياع ورد وفل وياسمين في إشارات المرور؟

ممكن تكتب ردك دلوقتى قبل برضه ما القطر يفوتك..




أهو جاي من بعيد أهو..

تووووووووت!




__________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lolo17
عضو عامل
عضو عامل


الجنس : انثى

عدد الرسائل : 37
العمر : 26
نقاط : 3327
تاريخ التسجيل : 29/10/2007

مُساهمةموضوع: رد: انت لسة قاعد هام جدا ارجوا الردووووووووووووووووووووود   أكتوبر 30th 2007, 8:48 pm

أولا شكررررررررررا على المجهود الواضح والمميز فى الموضوع
وانا شايفة ان الاعلان كان نص نص
يعنى مكدبش قوى
هو كذب اما قعد يحسسنا ان مصر بخير (هى مصر بخير فعلا طول ما احنا فيها ) والشغل مالى البلد والحكومة ابتدات توفر للشباب شغل وكده
بس مكذبش أما قال ان الشغل (أى شغل ) مش عيب
وفعلا الواحد بيجيله الضغط اما يشوف الاعلان ده وغيره
ومفيهاش حاجة اما الواحد يبدا وييجى على نفسه ويشتغل شغلانة ملهاش دعوة بمؤهله لحد ما ربنا يفرجها
مش بزمتك أحسن من أما يستنى المصروف من ماما وبابا ؟ ولا أنا غلطانة ؟!
وأما حكاية الارتباط بحد من على الشات والكلام ده
فالحمد لله أنا مبعملش شات خالص ومبحبهوش صراحة .........
ومعلش طولت عليك
شكرررررررررررا تانى على الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nayelko2000
عضو مميز
عضو مميز


الجنس : ذكر

عدد الرسائل : 360
العمر : 43
الاقامة : uae
المهنة : : architect
العمل : : project engineer
نقاط : 3398
تاريخ التسجيل : 19/08/2007

مُساهمةموضوع: رد: انت لسة قاعد هام جدا ارجوا الردووووووووووووووووووووود   أكتوبر 31st 2007, 12:40 am

شكرا على ردك مع صغر سنك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد@@@
عضو مميز
عضو مميز


الجنس : ذكر

عدد الرسائل : 499
العمر : 25
الاقامة : فى الرومانسية
الدوله :
نقاط : 3200
تاريخ التسجيل : 04/03/2008

مُساهمةموضوع: رد: انت لسة قاعد هام جدا ارجوا الردووووووووووووووووووووود   مارس 6th 2008, 2:43 pm

يسلموووووووووووووووووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انت لسة قاعد هام جدا ارجوا الردووووووووووووووووووووود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღღღشباب رومانسىღღღ :: قسم العامة :: منتدى فضفضه-
انتقل الى: