ღღღشباب رومانسىღღღ

مرحبا بيك عزيزى الزائر فى منتديات شباب رومانسى اذا كنت غير مشترك اضغط على تسجيل
ملحوظه بعد الاشترك
سوف تاتى ليك رساله على الميل لتاكيد الاشترك تدخل عليها عشان تقدر تخش المنتدى.

ღღღشباب رومانسىღღღ

ღ♥ღجيل جديد من الابداع ,افلام,اغانى,برامج,صور,كليبات,العاب,فوتوشوبღ♥ღ
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 فيروس الخنقه انتشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسلام مجدى
سوبر ازرق
سوبر ازرق


عدد الرسائل : 58
نقاط : 3397
تاريخ التسجيل : 17/08/2007

مُساهمةموضوع: فيروس الخنقه انتشر   أغسطس 21st 2007, 10:48 pm

ايه الكلام ده هو فى حاجه اسمها فيروس الخنقه
والله مش عارف
بس انا اصلى كنت فى يوم وانا فى البيت
مخنوق معرفش فى ايه
الكلام ده من 4 ايام تقريبا
فطلبت من امى فلوس لانى مش معايا
فلقيتها فتحت معايا ميت حوار بزعيق ونرفزه
وكلهم مالهموش علاقه باللى انا طلبته
لقيت نفسى انا كمان برد عليها ردود ملهاش علاقه
بالموضوع
بس مش ردود قليله الادب
لا
يعنى بقولها ماانا بتحايل عليكوا من سنين انى انزل اشتغل
وانتوا رافضين
المهم الموضوع كبر
روحت واخد بعضى ونزلت الشارع
وياريتنى مانزلت
الاول قولت اروح لواحد صاحبى فاتح محل موبيلات
عشان خاطر اقعد معاه
وكده كده انا ولا معايا فلوس ولا معايا سجاير
وانا وهو عادى يعنى
المهم دخلت المحل لقيته حاطط ايده على خده
وكان لسه مشترى علبه سجاير
فقولتله كويس عشان انا ولا معايا سجاير ولا فلوس
ففتح العلبه وقعدنا بقى
ولقيته ساكت وهو مش عاويده انه يسكت
فبقوله مالك ياحووكه
فقال قرفان
فسألت ليه
فقالى طلعت البيت وقفلت المحل قولت اطلع اتغدى
لقيت امى بتقولى انا مش هاحضر غداء لحد
انا اتغدينا خلاص
فقالها طيب ايه يعنى ماانا بشتغل وله عاوزانى اقولك هاتى المصروف
فقالت شغل ايه ده اللى انت بتنزله من الصبح وترجع اخر الليل
المشكله ان المحل جنب البيت
المهم الواد نرفوز حبيتين راح واخد بعضه ونازل قرفان
وفضل يحسبها
انا خريج نظم ومعلومات وانا وانا
وهفضل لحد امت اشتغل فى محل موبيلات
والبقيه انتوا عارفينها طبعا
شويه ودخل واد اسمه على
والواد ده تحفه
دخل رافع حواجبه ومتخن صوته وبيقول
هات سيجاره يابنى
فحووكه بيديله السيجاره
راح على قاله
شوفت جيه اليوم اللى بطلب فيه سجاير منك
فأنا فضلت اضحك
وقال على اعمل ايه الله يسمحها امى
هى اللى مش عاوزه تدينى فلوس
قال ايه بتقولى انزل اشتغل
مانا كنت بشتغل وهى قالت الشغل تعب عليك
وبعدين مش بعد متدينى مصروف فى اليوم 25 جنيه
تيجى تقطعه عنى
وانا بضحك بس بضحك وانا متغاظ منه
وراح قايل بعد ماكنت بجيب 3 علب سجاير فى اليوم
من السجاير اللى هى
دلوقتى بشحت منك
فانا قولتله امشى اطلع بره ياعلى عشان مش نقصاك
فبيقولى ايه ياعم انت قرفان منى ليه
ماانت لو فى حد بيقولك لا مش هديك فلوس كنت زمانك مكانى
ماانت ماانت
قولتله امشى ياعلى اطلع بره
المهم على فضل قاعد ساكت
يشرب فى سجاير محمود وبس
وشويه الشكس دخل
والشكس ده برده صاحبنا
مالك ياشكس
بلا شكس بلا فكس
انا قرفت من الدنيا
قولت خلاص هتروق وتحلى وانا بفتح المحل الجديد بتاعى
يبهدولينى عشان التراخيص
ولقيت نفسى هدخل فى حسبه 15 الف جنيه تانى
فانا بقوله 15 الف ليه يابنى انت جبت كل حاجاتك
انت هتعمل ايه بالفلوس التانيه دى
فرد عليا رد قال فيه جمله غريبه فرفرتنى من الضحك
بيقولى لازمنى شويه حاجات واكرميات وتظبيط المحل
يعنى كده لو حسبنها
شاكب فى راكب
هتعمل 15 الف
انا سمعت شاكب فى راكب وروحت فى دنيا تانيه
وبعديها بشويه دخل علينا
النعامه المتفائله دايما
هو على طول مش شايل هم للدنيا
وفى لحظه لاقينها داخل ماسك لتر سبريت
وبيشرب فيه وبيقول
انا اتفصلت من الشغل ياجماعه
ههههههههههههههه ههههههههه
وشويه ونلاقى الناس بتتخانق فى الشارع
كتير والله كتيييييييير جدا
وشويه ولقينا دوحه جايه من المطعم
ايه يادوحه ايه اللى رجعك بدرى
انا سيبت الشغل ياجماعه
ليه كده حد يسيب شغل دلوقتى
فرد وقال اصل صعبت عليا نفسى
انا سياحه وفنادق
بعد مااشتغل فى المطعم يقولولى امسح الحمامات
فضلنا نضحك
وكان الضحك الاكبر لما دخل علينا القروى الساذج
كان عاوز كاوتش اديدس سوبر ستار
ومرداش يجيبه من هنا
فبعت مع واحد صاحب اخوه فلوس يجبله واحد
والكاوتش غالى جدا
فدخل بقى يفرجنا على الكاويتش
ويقول منزل بلدكوا
اوعى وشك
واحنا اول ماشوفنا الكاويتش
موتنا من الضحك والله كان ضحكنا مسمع الدنيا
عارفين ليه
لانى الفردتين طلعوا شمال

وفضلنا نضحك ونتريق عليه
وهو بقى هيتجنن
وبعدها لقيت ابويا معدى راح منادى عليا لوحده
وادانى فلوس
واهى حلت ازمه
يعنى مش عارف اقول ايه
انا بتكلم معاكوا بضحك عشان منتخنقش
بس فعلا معظم البيوت بقيت مخنوقه ومحدش طاتيق نفسه
بس طول ماربنا موجود يبقى الخير موجود
وصدقنى
متقولش ماضاقت الا اما ضاقت اكتر
لا والله
كل ماالمشاكل تزيد كل ماتعرف انها هتنتهى
وكل ماالمشاكل تزيد
كل ماحلولها تكتر
بس انتوا استعينوا بالله
واقروا قرأن ياجماعه
استحلفكم بالله
والله هتفرج انشاء الله
وربنا يكفينا ويكفيكوا شر الغم والنكد
امين يارب

يا جماعه الصبر حلو جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد الـجوكر
المدير العام
المدير العام


الجنس : ذكر

عدد الرسائل : 815
العمر : 27
الاقامة : في شباب رومانسي علي طول
نقاط : 3444
تاريخ التسجيل : 07/07/2007

مُساهمةموضوع: رد: فيروس الخنقه انتشر   أغسطس 22nd 2007, 3:05 pm

مشكورررر اسلام علي الموضوع الجميل دا بجد روعه

ههههههههههههههههههههههههههههههههههههههههههه
ويسلموووووووولك علي الموضوع

_________________

_


اى رد غير لائق سيؤدى بصاحبة الى الايقاف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ro3mansy.com
 
فيروس الخنقه انتشر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღღღشباب رومانسىღღღ :: قسم العامة :: المنتدي العام-
انتقل الى: